लाक्पा जी शेर्पा
काठमाडौं (शेर्पाखबर) । राष्ट्रिय सभाका सदस्य सोनाम गेल्जेन शेर्पाले समुदायले उठाउँदै आएको मुद्धालाई शिरोपर गरेर अघि बढ्ने बताएका छन् । नेपाल शेर्पा सघले राजधानीमा आयोजना गरेको सम्मान कार्यक्रममा शेर्पाले यस्तो विचार राखेका हुन् ।
नेपाल शेर्पा संघले राज्यको विभिन्न पद, ओहोदा ग्रहण गर्ने तथा ख्याती कमाउने व्यक्तित्वहरुलाई अभिनन्दन तथा बधाई ज्ञापन गर्ने कार्यक्रममा सम्मान ग्रहण पछि सदस्य शेर्पाले नीति निर्माण तहमा शेर्पाको पहिचान लगायत विषयलाई उठान गर्न कुनै कसर बाँकी नराख्ने प्रतिबद्धता समेत व्यक्त गरे । 
६ बर्षको कार्यकाल रहेको र जुन अवधीमा समुदायको हितका लागि सबै खाले प्रयत्न गर्ने बताउँदै शेर्पाले आर्थिक, सामाजिक, राजनैतिक रुपमा समुदाय अघि बढ्नुपर्नेमा जोड दिए । हिमाली क्षेत्रमा भएका समस्या र शेर्पा समुदायले खेप्दै आएको समस्यातर्फ राज्यको खास ध्यान नपुगेको स्वीकार्दै शेर्पा अघि भने ‘१८ बर्षदेखि हामी हिमाली सभ्यताको रक्षाका लागि लागि रहेका छौं । भाषा, संस्कार, संस्कृतिका साथै शैक्षिक उन्नतीका लागि समेत काम गर्दै आएकोछु । राज्यकै स्रोत परिचालन गरेर भाषा, संस्कारको विकास गर्ने खुम्बु क्षेत्र पहिलो हो ।’