शेर्पा संघको आर्थिक सहयोग अभियान जारी

कान्छीमा शेर्पा

२०७७ मंसिर २७, शनिबार


क्षयरोग पीडितका लागि राहत शेर्पा संघका कोषाध्यक्ष आङ काजी शेर्पाबाट चेक बुझ्दै टाक्सिन्दु किदुगका अध्यक्ष खापा गेल्जेन शेर्पा ।

]

२७ मंसिर २०७७
काठमाडौं (शेर्पाखबर) ।
नेपाल शेर्पा संघले दीर्घरोगी, विपन्न तथा सडकमा अलपत्रहरुलाई आर्थिक सहयोग जारी राखेको छ । आपतकालिन राहत कोषमार्फत उपचार तथा राहत सहयोग जारी राखेको हो । यसवीच संघले १३ जनालाई आर्थिक सहयोग गर्ने निर्णय गरेको छ । 
विभिन्न दीर्घरोगीहरुको उपचार तथा सडकमा अलपत्रहरुको उद्धार गरी राहत वितरण गरेको आपतकालिन राहत कोषका सहसंयोजक साङ्गे लामा शेर्पाले जानकारी दिए । 
आगलागी, मुटु, मृगौला, क्यान्सर, पक्षघात र क्षयरोग पीडितका लागि आर्थिक सहयोग गर्ने निर्णय भएको बताउँदै प्रथम उपाध्यक्ष समेत रहेका सहसंयोजक शेर्पाले भने ‘मानवीयताको नाताले तत्काल संघको उपस्थिती रहोस् भन्ने हेतुले कार्यक्रम जारी राखेका हौं । यसबाट पीडितलाई तत्काल राहत मिल्ने र नयाँ जीवन पाउने गरेका छन् ।’
यसअघि संघले शेर्पा संघ अमेरिकाको आर्थिक सहयोगमा हजारौं पीडित तथा कोरोना प्रभावितलाई राहत सहयोग गरेका थिए । 
संघले तत्काल राहतका कार्यक्रमहरु भने यसअघि नै स्थागित गर्ने निर्णय गरेको थियो । अध्यक्ष तथा कोषका संयोजक गेल्जे लामा शेर्पाले भने ‘दीर्घरोगी, विपन्नहरुको उपचार र सडकमा अलपत्रहरुको लागि भने आपतकालिन राहत कोषबाट सहयोग जारी रहनेछ । कोही शेर्पा रोग र भोकले अकालमा जीवन गुमाउन नपोरोस् भन्ने हेतुले नै हामीले अभियान सञ्चालन गरेका हौं ।’ 

Please suscribe Sherpa Khabar

Maya Ko Jal

Chatyang

Ghaam Chaya

Dui Kinara

Sarangi

Pool Pani Maya Bho