खुम्बु क्षेत्रका मानिसलाई ‘हवाई जहाज’ बाट उद्धार !

शेर्पाखबर

२०७७ बैशाख १९, शुक्रबार


काठमाडौं । काठमाडौं अड्किएका सोलुखुम्बुको खुम्बु पासाङल्हामु गाउँपालिकाका स्थानीयलाई हवाईजहाजबाट उद्धार गरी गाउँ फर्काइने भएको छ । गाउँपालिकाले यसको जानकारी गराएको हो ।

गाउँपालिकाले एक सूचना जारी गर्दै सडक मार्गबाट गाउँ र्फकन नपाएका व्यक्तिलाई हवाईजहाजबाट फिर्ता गर्न लागिएको जनाएको छ । यसरी र्फकंदा हवाई जहाजमा लाग्ने टिकटको मूल्य भने यात्रु आफैले तिर्नुपर्ने शर्त राखिएको गाउँपालिकाद्धारा जारी सूचनामा उल्लेख छ ।

क्वारेन्टाइनसम्बन्धी नियम लागु हुने शर्तमा स्थानीयलाई काठमार्डाैंबाट गाउँ फर्काउन लागिएको गाउपालिकाको निमित्त कार्यकारी अधिकृत सुजन बुढाथोकीले जानकारी दिए । 

गाउँपालिकामा र्फकन चाहने स्थानीयले शुक्रबार बेलुका ४ बजेसम्म नाम टिपाइसक्नुपर्ने बताइएको छ । काठमाडौंमा रहेका खुम्बु क्षेत्रमा कार्यरत शिक्षक र कर्मचारीलाई समेत प्लेनबाटै कार्यस्थलमा फर्काइने भएको छ । सम्बन्धित वडामार्फत सम्पर्क गर्न गाउँपालिकाले आग्रह गरेको छ ।

काठमाडौंमा रहेका सगरमाथा क्षेत्रका व्यक्तिले आफ्नो वडाका अध्यक्षलाई नाम टिपाएमा जहाज चढेर गाउँ र्फकन सक्ने भएका छन् ।

Please suscribe Sherpa Khabar

Maya Ko Jal

Chatyang

Ghaam Chaya

Dui Kinara

Sarangi

Pool Pani Maya Bho