गुम्बाका लामालाई बन्धक बनाएर लुटपाट, ललितपुरमा पक्राउ परे लुटेरा

शेर्पाखबर

२०७५ भाद्र २१, विहिबार


प्रहरीले काभ्रेको खानीखोला गाँउपालिकामा रहेको कुण्डलिङ गुम्बामा लुटपाट गर्ने पाँचजनालाई ललितपुरमा पक्राउ गरेको छ । काभ्रे र ललितपुरको सीमामा पर्ने छोईछेल कुण्डलिङ गुम्बाका  लामा  ८४ वर्षीय तिलक लामा तामाङलाई  अज्ञात समुहले लुटपाट गरेको थियाे।

प्रहरीका अनुसार बा ५६ प ७०८३ र बा ६७ प ३७३३ नम्बरको मोटरसाईकलमा आएका ५ जना ब्यक्तिहरुले  लामाको आँखामा पट्टी लगाई हात खुट्टा डोरीले बाँधेर पेस्तोल देखाई लुटेका थिए। उनीहरुले गुम्बामा रहेको १ वटा शंख र ३ लाख ५० हजार रुपैयाँ लुटेर फरार भएका थिए।

लुटपाटको सूचना आउनासाथ प्रहरी चौकी तालढुङगाबाट असईको कमाण्डमा टोली खटीएको थियो। टोलीले बुधबार साँझ साढे ६ बजे खानीखोला गाँउपालिकाकै अनिल घिसिङलाई प्रहरी चौकी गिम्दी ललितपुरको सहयोगमा पक्राउ गरेको हो।

यस्तै रमेश थोकर, जगत बगोले, बिकाश बन्जरा र निशान गोलेलाई प्रहरी चौकी गोटिखेल ललितपुरले मोटरसाईकल सहित नियन्त्रणमा लिएको हो।

प्रहरीले गुम्बाबाट लुटिएको नगद र संख फेला नपरेकोले अनुसन्धान भइरहेको जनाएको छ।

Please suscribe Tribeni Nepal to watch more nepali movies and songs.

Maya Ko Jal

Chatyang

Ghaam Chaya

Dui Kinara

Sarangi

Pool Pani Maya Bho