२०७५ मंसिर २७ गते विहिबार

प्रवास


योद्धा बनिन् सनी लियोन

सनी लियोनीको साउथ इन्डियन फिल्म वीरमादेवीको फर्स्ट लुक पोस्टर सार्वजनिक भएको छ । सनी आफैंले यो आफ्नो भेरिफाइड ट्विटर ह्यान्डलबाट शेयर गरेकी छिन् । आफ्नो ट्वीटमा सनीले लेखेकी छिन्, 'यो तपाईहरुसँग शेयर गर्न पाउँदा अत्यन्त खुसी छु । 'वीरमादेवी' को फर्स्ट लुक पोस्टर ।' पोस्टरमा सनी लियोनी योद्धाको भूमिकामा देखिएकी छिन्, जो युद्ध क्षेत्रमा घोडामा सवार छिन् । तमिल-तेलुगू भाषामा बनिरहेको यो फिल्म मलयालम, कन्नड र हिन्दीमा पनि रिलिज हुनेछ । यसभन्दा अगाडि पनि सनी कयौं साउथ इन्डियन फिल्मको गीतमा देखिसकेकी छिन् । 

विवाह-वन्धनमा बाँधिए बेलायती राजकुमार ह्यारी र मार्कल

संयुक्त अधिराज्यका राजकुमार ह्यारी र मेगन मार्कलको बहुचर्चित विवाह शनिबार सम्पन्न भएको छ। विन्ड्सस्थित सेन्ट जोर्जेज च्यापलमा औंठी साट्दै उनीहरू विवाह वन्धनमा बाँधिएका हुन्। आफ्नी आमासहित रोल्स रोयल गाडीमा विवाह स्थलमा पुगेकी मेगन मार्कललाई हृयारीका पिता युवराज चाल्र्सले सेन्ट जोर्जेज च्यापलमा  हात डोर्‍याएर भित्र लगे । हृयारी भने दाइ विजियमसँग पुगेका थिए । ३३ वर्षिया ह्यारी बेलायतकी गद्दिशिन महारानी एलिजावेद दृतियका नाती हुन् भने ३६ वर्षिया मार्कल अमेरिकी अभिनेत्री हुन। सो विवाह समारोहमा ओइरा उनफ्री, इल्टन जोन, सेरेना विलियम्स, डेबिड बेकह्यामका पतिपत्नी आदिको उपस्थिति रहेको थियो। विवाह वन्धनमा बाँधिएसँगै ह्यारी ‘डुक अफ सुसेक्स’, ‘अर्ल अफ दम्बरटन एण्ड किलकेल’ भएका छन् भने मार्कल ‘डचेस अफ सुसेक्स’ भएकी छन्।

पोर्तुगलमा बुद्ध जयन्तीमा शोभायात्रा

सोमबार यहाँ आयोजना गरिएको बृहत् शोभायात्राले राजधानी लिस्बनका मुख्य सडक नेपालीमय भएको लाक्पा छोटी शेर्पाले जानकारी दिए । विशेष गरी शेर्पा समुदाय आफ्नो जातीय भेषभूषासहित सडकमा देखिए । उनीहरुले हातहातमा बुद्धका तस्वीर, प्लेकार्ड, बुद्ध वाणी र नेपालको राष्ट्रिय झण्डा बोकेका थिए ।